"Gəncə" VK-nın baş məşqçisi Rafael Petry klubun mətbuat xidmətinə müsahibə verib. Müsahibəni təqdim edirik.
- 2025-ci ili qələbə ilə başa vurmaq komandanın özünəinamına necə təsir etdi?
- 2025-ci ili müsbət nəticələrlə başa vurmaq bizim üçün son dərəcə önəmlidir. Hər bir qələbə məşqlərdə çəkilən zəhmətin təsdiqi olmaqla yanaşı, kollektivin mənəvi ruhunu gücləndirir və final mərhələsində əsas rəqiblərlə mübarizəyə hazır olduğumuzu göstərir.
- 2026-cı il üçün əsas hədəflərinizi hansı istiqamətlərdə müəyyənləşdirmisiniz?
- 2026-cı ildə əsas diqqətimiz sabitlik və texniki inkişaf üzərində cəmlənəcək. Məqsədimiz turnir cədvəlinin yuxarı pillələrində mövqeyimizi möhkəmləndirmək, növbəti mərhələyə keçidi təmin etməkdir. Eyni zamanda, çempionluq hədəfini daim diqqətdə saxlamaqdır.
- Yeni ildən komandanın oyun üslubunda hər hansı dəyişiklik nəzərdə tutulubmu?
- Biz həmişə heyət və oyunun detallarının təkmilləşdirilməsi ilə məşğuluq. İlk oyunlarda müəyyən etdiyimiz taktiki çatışmazlıqları aradan qaldıraraq kollektiv performansı optimallaşdırmaq və mövsümün ikinci yarısında isə daha aqressiv və effektiv oyun nümayiş etdirmək niyyətindəyik.
- Cari mövsümdə “Gəncə” VK-nın çıxışı sizi qane edirmi?
- İndiyədək əldə etdiyimiz nəticələrlə qürur duyuruq. Altı oyunda qazanılan üç qələbə komandamızın yüksək rəqabət qabiliyyətinə malik olduğunu göstərir. Biz hər zaman qalibiyyətə can atırıq, lakin idmançılarımızın göstərdiyi əzm və səyləri də yüksək qiymətləndirirəm. Komandanın inkişafını görmək və daha da irəliləmək potensialına sahib olduğumuzu bilmək məmnunluq yaradır.
- Yeni il münasibətilə oyunçularınıza və azarkeşlərinizə nə arzulamaq istərdiniz?
- Bütün idmançılarımıza, texniki heyətə və azarkeşlərimizə sağlamlıq, harmoniya, xoşbəxtlik və inkişafla dolu bir Yeni il arzulayıram. Qoy 2026-cı il böyük uğurlar, əlbəttə ki, çoxsaylı qələbələrlə yadda qalsın. Çünki klubumuz, azarkeşlərimiz və Gəncə şəhəri ən yaxşısına layiqdir. Birlikdə çempionluq yolunda irəliləyirik.
