Gəncə Şəhər İcra Hakimiyyətinin, Azərbaycan Voleybol Federasiyasının, “Gəncə” Voleybol Klubunun təşkilatçılığı, “AzerGold” QSC-nin dəstəyi ilə Gəncə şəhərində ilk dəfə “Voleybolun nəbzi Gəncədə döyünür!” şüarı altında voleybol festivalı keçirilib. Tədbirin açılış mərasimində Gəncə Şəhər İcra Hakimiyyəti başçısının müavini Adil Tağıyev, Gəncə-Daşkəsən Regional Gənclər və İdman İdarəsinin rəisi Elşən Hüseynov və “Gəncə” Voleybol Klubunun prezidenti Elvar Osmanov çıxış ediblər.

Çıxış zamanı bildirilib ki, festivalın keçirilməsində əsas məqsəd Gəncədə voleybolun təbliği, uşaqlar və yeniyetmələr arasında bu idman növünə marağın artırılması, eləcə də sağlam həyat tərzinin təşviqidir. Müxtəlif idman və əyləncə proqramlarını bir araya gətirən tədbir gənclərin idmana cəlb olunmasına və voleybolun daha geniş auditoriya arasında populyarlaşmasına xidmət edir.

Açılış mərasimində YAP Gəncə şəhər təşkilatının sədri, Azərbaycan Texnologiya Universitetinin rektoru, Gəncə - Daşkəsən regional idarələrinin rəhbərləri, 1 və 2 saylı Uşaq-gənclər və idman-şahmat məktəblərinin direktorları, idman ictimaiyyətinin nümayəndələri və şəhər sakinləri iştirak ediblər. Festivalın diqqətçəkən məqamlarından biri də “Gəncə” Voleybol Klubunun 2026–2027-ci illər mövsümü üçün heyətinin təqdimatı olub. Komandanın yeni mövsümdə mübarizə aparacaq oyunçuları azarkeşlərə təqdim edilib.

Gəncədə səfərdə olan “DH Volley” klubu səhnəyə dəvət olunub, “Turan” və “DH Volley” komandalarına avrokuboklarda uğurlar arzulanıb.
Festival çərçivəsində 120-dək voleybolu topu meydançaya daxil edilib, peşəkar voleybolçuların iştirakı ilə ustad dərsləri və dostluq oyunu təşkil olunub. Həmçinin 10–14 yaşlı uşaqlar arasında mini voleybol turniri keçirilib, iştirakçılar üçün müxtəlif idman və əyləncə proqramları təqdim edilib. Uşaqlar öz bacarıqlarını nümayiş etdirmək, voleybolun əsas elementlərini öyrənmək və peşəkar idmançılarla birbaşa ünsiyyət qurmaq imkanı əldə ediblər.

Sonda voleybol, musiqi və əyləncəni bir araya gətirən festival iştirakçılar üçün təşkil olunan xüsusi konsert proqramı təqdim olunub. Festivala 3 mindən artıq insan qatılıb.

Müqaviləyə əsasən, “Sağlam Nəfəs” MMC tərəfindən Gəncə VK-nın idmançılarına və əməkdaşlarına fizioterapevt, terapevt və travmatoloq qəbulları, eləcə də müxtəlif fizioterapiya və reabilitasiya xidmətləri təqdim olunacaq. Eyni zamanda, əməkdaşlıq çərçivəsində “Sağlam Nəfəs” MMC-nin loqosu oyunçu formalarında, voleybol yarışlarının keçirildiyi idman komplekslərinin reklam panellərində və klubun rəsmi kommunikasiya materiallarında yerləşdiriləcək.

Gəncə Voleybol Klubunun prezidenti Elvar Osmanov bildirib ki, bu əməkdaşlıq idmançıların sağlamlığının qorunması və onların peşəkar fəaliyyətlərinin dəstəklənməsi baxımından mühüm əhəmiyyət daşıyır. “Sağlam Nəfəs” MMC-nin icraçı direktoru Rahib İbrahimov isə qeyd edib ki, şirkət idmanın inkişafına və sağlam həyat tərzinin təşviqinə töhfə verməkdən məmnundur.

Görüş zamanı idmançıların beynəlxalq arenada ölkəmizi layiqincə təmsil etmələri və milli komandanın uğurlarına verdikləri töhfə yüksək qiymətləndirilib. "Gəncə" VK-nın prezidenti Elvar Osmanov voleybolçulara göstərdikləri əzm və peşəkarlığa görə minnətdarlığını bildirərək onlara "Təşəkkürnamə" təqdim edib.

Klub prezidenti yeni mövsümdə Nərminə Musayeva və Ülkər Kərimovaya uğurlar arzulayıb, onların həm milli komandada, həm də "Gəncə" VK-nın heyətində yeni nailiyyətlər qazanacaqlarına inandığını vurğulayıb.

Görüşdə qeydiyyatdan keçmiş könüllülərin bir qrupu iştirak edib. Görüş zamanı "Gəncə" VK-nın icraçı direktoru İbrahim Qarayev gənclərə klubun fəaliyyəti, qazandığı uğurlar və əldə etdiyi nailiyyətlər barədə ətraflı məlumat verib, həmçinin qarşıdakı dövr üçün planları diqqətə çatdırıb.

Könüllülərlə aparılan söhbət zamanı onların təhsil aldıqları ali təhsil müəssisələri, xarici dil bilikləri, müxtəlif istiqamətlər üzrə bacarıqları və bu sahədəki fəaliyyətləri barədə fikir mübadiləsi aparılıb. Eyni zamanda, klubun təşkilatçılığı ilə qarşıdakı dövrdə keçiriləcək tədbirlər və könüllülərin həmin proseslərdə iştirakı ilə bağlı məlumat verilib.

Görüş çərçivəsində könüllülərin fəaliyyətinin daha səmərəli təşkili məqsədilə ilkin olaraq qrup rəhbərləri də müəyyənləşdirilib.

Sonda könüllülər Gəncə İdman Sarayında yaradılmış müasir infrastrukturla tanış olub, idman qurğuları və digər imkanlar barədə məlumat əldə ediblər.

Müqaviləni "Gəncə" VK-nın prezidenti Elvar Osmanov və “Gədəbəy Mineral Suları” MMC-nin direktoru Ramil Fərzəliyev imzalayıblar. Müqaviləyə əsasən, “Gədəbəy Mineral Suları” MMC tərəfindən “Gəncə” VK-nın məşq prosesləri, rəsmi oyunları və tədbirləri üçün su təqdim ediləcək.

Razılaşmaya əsasən, sponsor tərəfindən təqdim olunan məhsulların klubun məşq və oyun proseslərində istifadəsi təmin ediləcək. Eyni zamanda, “Gədəbəy Mineral Suları” MMC-nin loqosunun klubun reklam lövhələrində, sosial media paylaşımlarında və oyunçuların geyim formalarında nümayiş etdirilməsi nəzərdə tutulur.

Müqavilə 1 il müddətində qüvvədə olacaq və tərəflərin qarşılıqlı razılığı ilə uzadıla bilər. “Gəncə” VK “Gədəbəy Mineral Suları” MMC-yə əməkdaşlığa və kluba göstərdiyi dəstəyə görə təşəkkür edir, tərəfdaşlığın hər iki tərəf üçün uğurlu və uzunmüddətli olacağına inanır.